मुंबई : भाजप नेते मोहित कंबोज याच्या तक्रारीवरून शिक्षण मंत्री वर्षा गायकवाड (Varsha Gaikwad) आणि मंत्री अस्लम शेख (Aslam Sheikh) यांच्यासह इतरांविरोधात वांद्रे पोलिस ठाण्यात गुन्हा दाखल करण्यात आला आहे. तलवार काढल्याप्रकरणी हा गुन्हा दाखल झाल्याची माहिती पोलिसांनी दिली आहे.
एका जाहीर कार्यक्रमात मंत्री अस्लम शेख, शिक्षण मंत्री वर्षा गायकवाड (Varsha Gaikwad) यांनी हातात तलवार घेतल्या होत्या त्यांच्या या कार्यक्रमाचा फोटो मोहीत कंबोज यांनी ट्विट करत या मंत्र्यावर मुंबई पोलिसांनी कारवाई करावी अशी मागणी केली होती. आता कंबोज यांच्या तक्रारीवरुन वांद्रे पोलिस ठाण्यात काँग्रेस मंत्री वर्षा गायकवाड, अस्लम शेख यांच्यासह इतरांविरोधात गुन्हा नोंद करण्यात आला आहे.
या कार्यक्रमानंतर कंबोज (Mohit Kamboj) यांनी आरोप केले असता हा शीख समजाचा कार्यक्रम होता त्यांनी तलवार दिली, मोदी यांना पण तलवार दिली आहे. तलवार घेऊन आम्ही लोकांमध्ये नाचलो नाही. दोन्ही कार्यक्रमात फरक आहे असं प्रत्युत्तर काँग्रेसनेते अस्लम शेख यांनी त्यावेळी दिलं होतं.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.