भारत-पाकिस्तान सामन्यावर क्रिकेट बेटिंग, आमदारांच्या कार्यालयासमोर पोलिसांनी टाकली धाड अन्...

उल्हासनगर : येथे आमदार कुमार आयलानी यांच्या जनसंपर्क कार्यालयासमोर क्रिकेट बेटिंगचा (cricket betting) अड्डा असल्याचा धक्कादायक प्रकार उघडकीस आला आहे. आशिया कप स्पर्धेला सुरुवात झाली असतानाच भारत-पाकिस्तान (India-Pakistan match) सामन्यावर उल्हासनगरमध्ये क्रिकेट बेटिंग सुरु होती. या गंभीर घटनेची माहिती मिळताच उल्हासनगर पोलिसांनी धाड टाकून एका आरोपीला अटक केली. संजय हरदासानी असं अटक केलेल्या आरोपीचं नाव आहे. या गंभीर प्रकाराबाबत पोलिसांनी (Police) आरोपीविरोधात गुन्हा दाखल केला आहे.

मिळालेल्या माहितीनुसार, रविवारी आशिया कप स्पर्धेतील भारत -पाकिस्तान सामना सुरु होता. या सामन्यावर उल्हासनगरमध्ये बेटिंग सुरू असल्याची माहिती उल्हासनगर पोलिसांना मिळाली होती.त्यानुसार कॅम्प २ मधील मधुबन अपार्टमेंट या इमारतीच्या ५ व्या माळ्यावर ५०१ क्रमांकच्या फ्लॅटमध्ये पोलिसांनी रात्री ९ च्या सुमारास धाड टाकली.यावेळी संजय हरदासानी हा इसम क्रिकेट मॅचवर बेटिंग करत असल्याचं पोलिसांना आढळून आलं.

त्याच्याकडे ६ मोबाईल, टीव्ही, वायफाय,डायरी,कॅलक्यूलेटर आणि इतर साहित्य जप्त करण्यात आलं.हरदासानी हा विविध मोबाईल नंबर आणि इसमांच्या नावाने बेटिंगचे आकडे लावत होता.याचवेळी पोलिसांनी त्याला रंगेहाथ पकडलं.धक्कादायक बाब म्हणजे मधुबन ही इमारत उल्हासनगरचे आमदार कुमार आयलानी यांच्या जनसंपर्क कार्यालयाच्या अगदी समोर आहे.त्यामुळे उल्हासनगरात खळबळ माजली आहे.याप्रकरणी आरोपी संजय हरदासानी याच्याविरोधात गुन्हा दाखल करत त्याला अटक करण्यात आली आहे.

Edited By - Naresh Shende