मुंबई: मुंबईत (Mumbai) एक धक्कादायक घटना घडली आहे. कोव्हिड पॉझिटिव्ह असलेला आरोपी रुग्णालयातून फरार झाला आहे. मुंबईच्या सेंट जाॅर्ज रुग्णालयातील ही घटना असून फुकरान गुलाब शेख (वय - २१) असं या फरार (Absconding) आरोपीचं नाव आहे. फुकरानला विक्रोळी पोलिसांनी एका चोरीच्या गुन्ह्यात अटक केली होती त्यानंतर त्याला ठाणे मध्यवर्ती कारागृहात ठेवण्यात आले होते. (Covid positive prisoner escapes in mumbai from hospital under pretext of going to bathroom)
हे देखील पहा -
आतड्यांचा त्रास होऊ लागल्याने फुकरानला उपचारासाठी जे. जे. रुग्णालयात (J. J. Hospital) दाखल करण्यात आले होते. उपचारा दरम्यान त्याची कोविड-१९ ची आरटीपीसीआर चाचणी पाॅझिटिव्ह (Covid Positive) आल्याने शुक्रवारी फुकरानला सेंट जाॅर्ज रुग्णालयात दाखल करण्यात आले. सेंट जाॅर्जच्या वार्ड क्रमांक १२ व २ माळा येथे उपचार सुरू होते. उपचारा दरम्यान मंगळवारी सकाळी ८ वाजता बाथरुमला जात असल्याचे सांगून आरोपी फुकरानने पळ काढला. या प्रकरणी माता रमाबाई मार्ग पोलिस ठाण्यात कोविड नियमांचे उल्लघंन केल्याप्रकरणी गुन्हा दाखल करण्यात आला असून पोलीस आरोपीचा शोध घेत आहे.
Edited By - Akshay Baisane
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.