अभिजित देशमुख, साम टीव्ही, प्रतिनिधी
कल्याणमध्ये एक अत्यंत धक्कादायक घटना घडली आहे. येथे एका तरुणावर भररस्त्यात चॉपरने हल्ला करण्यात आल्याची घटना घडली आहे. ही घटना कल्याण पश्चिमेच्या वसंत व्हॅली रोडवर घडल्याचं समजतं आहे. या घटनेचा एक व्हिडिओही समोर आला आहे.
चॉपर हातात घेऊन एका तरुणाचा पाठलाग करण्याचा थरार सीसीटीव्ही कॅमेऱ्यात कैद झाला आहे. या हल्ल्यात सत्कार भोईर हा तरुण गंभीर जखमी झाला असून या प्रकरणी खडकपाडा पोलीस ठाण्यात हल्लेखोरांविरोधात गुन्हा दाखल करण्यात आला आहे. या हल्ल्यातील आरोप फरार आहे. पोलीस त्यांचा शोध घेत आहेत.
मिळालेल्या माहितीनुसार, दोन महिन्यापूर्वी गांधारी परिसरात एका भरधाव जीपने दोन मुलांना उडवलं होतं. या अपघातानंतर जीपचालक तिथून फरार पसार झाला होता. त्या दोन मुलांना रुग्णालयात दाखल करण्यासाठी सत्कार भोईर यांनी पुढाकार घेतला होता.
हा अपघात नेमका कसा झाला, या मुलांना कोणत्या वाहनाने धडक दिली, अशी संपूर्ण माहिती मिळवण्यासाठी पोलिसांनी तपास सुरु केला होता. याचीच माहिती सत्कार याने पोलिसांना दिली होती. याच रागातून त्याच्यावर हल्ला झाला असल्याचं सांगण्यात येत आहे.
सत्कार भोईर हा भिवंडीनजीकच्या देवरुंग गावात राहतो. ताे काल दुपारी खडकपाडा परिसरात सत्कार चायनीज खाण्यासाठी आला होता. सत्कारचा आर्यन पाटील नावाच्या तरुणाने पाठलाग केला. त्याच्यावर चॉपरने वार केले. या प्राणघातक हल्ल्यात सत्कार हा जखमी झाला आहे. त्याला उपचारासाठी रुग्णालयात दाखल केले आहे. या प्रकरणी खडकपाडा पोलिसानी आर्यन पाटील आणि त्याच्या साथीदारांचा शोध सुरू केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.