पुणे पोलिसांचं कौतुकच... पण पूजा चव्हाण प्रकरणाचं काय ?

सागर आव्हाड

पुणे : भाजप BJP महिला प्रदेशाध्यक्ष चित्रा वाघ Chitra Wagh यांनी आज पोलीस आयुक्त अमिताभ गुप्ता यांची भेट घेऊन वानवडी बलात्कार प्रकरण Wanwadi Rape Case संदर्भात माहिती घेतली पुणे पोलिसांनी या प्रकरणात योग्य तपास केला असून, पुणे पोलिसांचे Pune city Police चित्रा वाघ यांनी कौतुक केलं तर पूजा चव्हाण च्या प्रकरणातही असाच तपास पुणे पोलिसांनी का केला नाही असा प्रश्नही चित्रा वाघ यांनी उपस्थित केला.

बीडमध्ये सध्या गुंडाराज चालू आहे;

तसेच करुणा शर्मा प्रकरणाबद्दल बोलत असताना चित्र वाघ म्हणाल्या की, बीडमध्ये सध्या गुंडाराज चालू आहे. पोलिसांनी जी कारवाई केली ती कोणत्या आधारे गेली याची माहिती पोलिसांनी देणे गरजेचे आहे. सत्तेचा गैरवापर करुणा शर्मा बाबतीत झाला असल्याचा आरोप चित्रा वाघ यांनी केला आहे.

गौरी गायकवाड मारहाण प्रकरणाची सीसीटीव्ही देऊन चौकशी करा;

तसेच पुण्यातील कदमवाकवस्ती या ठिकाणी सरपंच गौरी गायकवाड यांना काही दिवसांपूर्वी सुजित काळभोर यांनी मारहाण केल्याचा आरोप केला होता. मारहाण झाली त्याबाबत वेगवेगळे खुलासे सध्या केले जात आहेत. पूर्ण सीसीटीव्ही देऊन या प्रकरणाची चौकशी करावी जर एखादा पुरुष महिलेला मारहाण करत असेल तर महिला गप्प बसणार नाही आणि कदमवाकवस्ती या ठिकाणचं लसीकरण केंद्र का बंद केलं गेलं याचे उत्तर अजित पवारांनी द्याव अजित पवार यांचं काम करण्याची पद्धत पूर्णतः मला माहित आहे. त्यामुळे दादांनी या प्रकरणात लक्ष घाला व यात कुठलाही राजकारण केलं गेलं नाही किंवा गौरी गायकवाड ही भाजपची ही नाही. त्यामुळे या प्रकाणाबद्दल चौकशीची मागणी त्यांनी केली.

पूजाचा संसार वाचवण्याचा प्रयत्न आम्ही करत आहोत;

पूजा तडस तिच्याबरोबर माझं फोनवरती बोलणं झालेलं आहे. पूजाचा संसार वाचवण्याचा प्रयत्न आम्ही करत आहोत तडस यांचा हा घरगुती वाद आहे. तो समोर आला कसा यात कुठलेही राजकारण केलं जातं नाही, असे त्या म्हणाल्या.

Edited By-Sanika Gade