'आतापर्यंत जोशी भविष्य सांगयाचे, पाटील कधीपासून भविष्य सांगायला लागले.'

पुणे : 'आतापर्यंत जोशी भविष्य सांगत होते, पाटील कधीपासून भविष्य सांगायला लागले.' असा टोला राष्ट्रवादीचे जेष्ठ नेते तथा अन्न व नागरी पुरवठा मंत्री छगन भुजबळ (Chhagan Bhujbal) यांनी भाजप प्रदेशाध्यक्ष चंद्रकांत पाटील (Chandrakant Patil) यांना लगावला आहे. पत्रकारांशी बोलत असाताना त्यांनी महाविकास आघाडीवरती भाजप नेत्यांनी केलेल्या टीकांवरती उत्तर देत असताना पाटील यांना हा टोला लगावला.

दरम्यान किरीट सोमय्यांनी (Kirit Somaiya) मुख्यमंत्र्य़ावरती केलेल्या आरोपाबाबत त्यांना प्रश्न विचारला असता ते म्हणाले, 'सोमय्या रोज काहीतरी बोलत असतात, मुख्यमंत्री असले काही धंदे करत नाहीत, सोमय्यांनी केलेल्या आरोपावरुन म्हणाले की, ' किरीट सोमय्यांच्या बाबतीत झालेली घटना हा एक अपघात असू शकतो मुख्यमंत्री उद्धव ठाकरे असले काही धंदे करत नाहीत.

तसंच महाविकास आघाडी सरकार पडणार असं चंद्रकांत पाटलांकडून करण्यात आलेल्या दाव्यावरती ते म्हणाले, 'आतापर्यंत जोशी भविष्य सांगत होते पाटील कधीपासून भविष्य (Future) सांगायला लागले, मला तर आश्चर्य वाटत आहे असा टोला त्यांनी चंद्रकांत पाटलांना लगावला आहे. चंद्रकांत पाटलांनी महाविकास आघाडी सरकार हे दहा मार्चला पडणार असल्याचं वक्तव्य केलं होत आणि त्यांच्या याच वक्तव्यावरती भुजबळ यांनी प्रतिक्रिया दिली आहे.

Edited By - Jagdish Patil