मास्क न लावणाऱ्या प्रवाशांविरोधात मध्य रेल्वेने उगरला कारवाईचा बडगा

मुंबई : मास्क न घालणाऱ्या प्रवाशांविरोधात मध्य रेल्वेने कारवाईचा बडगा उगारला आहे. काल रोजी मास्क न घातल्याबद्दल मध्य रेल्वेने 190 जणांना दंड ठोठावला आहे. मध्य रेल्वेने प्रशासनाच्या मार्गदर्शक सूचनांनुसार ट्रेन आणि प्लॅटफॉर्मवर मास्कचा वापर न करणाऱ्या व्यक्तींविरोधात मोहीम तीव्र केली आहे. काल मध्य रेल्वेवरील (Central Railway) स्थानकांवर 190 व्यक्तींना मास्क न घातल्याबद्दल पकडण्यात आले आणि त्यांच्याकडून 35,150/- रुपये दंड वसूल करण्यात आला. डिसेंबर 2021 मध्ये (दिनांक 26.12.2021 पर्यंत) एकूण 1,710 व्यक्ती मास्क न घातलेले आढळले आणि त्यांच्याकडून रु. 2.6 लाख दंड वसूल करण्यात आले आहेत.

17.4.2021 ते 30.11.2021 या कालावधीत, तिकीट तपासणी कर्मचार्‍यांच्या विशेष पथकांनी कोविड-19 (Corona) मार्गदर्शक तत्त्वांनुसार मास्क न घातलेल्या प्रवाशांच्या एकूण 26,725 केसेस शोधून त्यांचेकडून 43.97 लाख रुपयांची रक्कम दंड म्हणून वसूल करण्यात आली आहे.

- मुंबई विभाग - 2,628 जणांकडून रु. 5.13 लाख दंड वसूल

- भुसावळ विभाग – 12,808 जणांकडून रु. 15.02 लाख दंड वसूल

- नागपूर विभाग – 6,591 जणांकडून रु. 13.18 लाख दंड वसूल

- सोलापूर विभाग - 2,118 जणांकडून रु. 4.56 लाख दंड वसूल

- पुणे विभाग - 2,580 जणांकडून रु. 6.09 लाख दंड वसूल

Edited By: Pravin Dhamale