Pune News Today: सीबीआयने पुणे विभागाचे अतिरिक्त महसूल विभागीय आयुक्त अनिल रामोड यांना तब्बल 8 लाख रुपयांची लाच स्वीकारताना रंगेहाथ पकडण्यात आले आहे. रात्री उशिरा 3 पर्यंतरामोड यांच्या घरी तपास सुरु होता. तपासात रामोड यांच्या घरी 6 कोटी रुपयांची रोख रक्कम सापडली आहे. तसंच 14 बेहिशेबी मालमत्तांचे पेपर्स सापडले आहेत. त्याची किंमत अद्याप निश्चित केलेली नाही. त्यानंतर आज (10 जून) रामोड यांना न्यायालयात हजर केले जाणार आहे. (Latest Marathi News)
मुळचे नांदेडचे (Nanded) रामोड हे गेल्या दोन वर्षांपासून पुण्यात (Pune) अरिरिक्त विभागीय आयुक्त या पदावर काम पहात आहेत. महामार्गावरील भूसंपादनाचा मोबदला शेतकऱ्यांना देण्यासाठी त्यांनी 8 लाख रुपयांची मागणी केली होती आणि तीच रक्कम स्वीकारताना त्यांना रंगेहाथ पकडण्यात आले आहे.
रामोड यांच्याकडे वेगवेगळ्या शासकीय कामांसाठी भूसंपादन करण्याची आणि त्या बदल्यात शेतकऱ्यांना त्याचा मोबदला देण्याची जबाबदारी होती. पण रामोड हे शेतकऱ्यांना त्यांच्या जमिनीचा मोबदला देण्यासाठी कमिशन म्हणून लाखो रुपयांची मागणी करत होते. (Pune News)
सोलापूर येथील माळशिरस तालुक्यातील एका शेतकऱ्याला जमिनीचा मोबदला देण्यासाठी रामोड यांनी 8 लाख रुपयांची लाच मागितली होती. ती स्विकारताना त्यांना रंगेहाथ पकडण्यात आले आहे. मिळालेल्या माहितीनुसार, हा सगळा व्यवहार हायवेच्या लगत असलेल्या एका जमिनीबाबत होता. दरम्यान, या प्रकरणी आता रामोड यांना न्यायालयात हजर केले जाणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.