![दोन वर्षापुर्वी बेपत्ता झालेल्या मुलीचा पुरलेला मृतदेह सापडला!](http://media.assettype.com/saamtv%2F2022-02%2Ff1f595bf-8512-4073-a4f0-c545040e844f%2FSaam_Templet_Banner_new___2022_02_17T225411_517.jpg?w=480&auto=format%2Ccompress&fit=max)
आंबेगाव : दोन वर्षापुर्वी १७ वर्षीय बेपत्ता झालेल्या आंबेगाव तालुक्यातील नाव्हेड गावातील आदिवासी (Aadivasi) बेपत्ता मुलीचा मृतदेह शोधण्यात घोडेगाव पोलीसांना यश आले आहे. सखुबाई शंकर घोडे असे मुलीचे नाव आहे. मुलीचा (Girl) संशयास्पद मृत्यु झाला असून या प्रकरणाचा कसुन तपास करण्यात येणार असल्याचे सहाय्यक पोलीस निरिक्षक जीवन माने यांनी सांगितले.
हे देखील पहा :
दोन वर्षापुर्वी बेपत्ता झालेल्या मुलगीने आत्महत्या (Suicide) केली असावी म्हणुन मुलीच्या वडिलांनी मुलगी बेपत्ता असल्याची तक्रार घोडेगाव (Ghodegaon) पोलीसांत दिली होती. त्यानुसार घोडेगाव पोलीसांकडुन बेपत्ता महिला, मुली आणि नागरिकांची शोध मोहिम सुरु असताना दोन वर्षापुर्वी रहात्या घरातुन बेपत्ता झालेल्या सखुबाई शंकर घोडे वय १७ वर्ष या मुलीचा शोध घेत असताना नोव्हड येथील घोडनदी पात्रालगत तिचा मृतदेह गाडल्याची माहिती घोडेगाव पोलीसांना मिळाली.
त्यानुसार घोडेगाव पोलीसांनी (Police) आज तहसिलदार रमा जोशी यांच्या उपस्थित मुलीच्या मृतदेहाचा सांगाडा बाहेर काढण्यात आला असुन शवच्छेदनासाठी पाठविण्यात आला आहे. मुलीचा मृत्यु कसा झाला याबाबत अद्याप कळु शकले नाही. मात्र दोन वर्षानंतर मुलगी सापडली नाही तर मुलीचा मृतदेह (Death Body) सापडल्याने आईवडिलांच्या डोळ्यासमोर दुखाचा डोंगर उभा राहिला...
घोडेगाव पोलीसांकडुन बेपत्ता महिला नागरिक आणि मुलींच्या बेपत्ता प्रकरणावर कसुन काम सुरु असताना घोडेगाव पोलीसांनी सहा महिन्यात 7 पुरुष, 14 महिला,1 मुलगा आणि 14 अल्पवयीन मुलींना शोधण्यात यश आल्याची माहिती सहाय्यक पोलीस निरिक्षक जीवन माने यांनी दिली.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.