Nikhil Wagle : पुण्यात महायुती आणि महाविकास आघाडीच्या कार्यकर्त्यांमध्ये जोरदार राडा, निखिल वागळेंची कार फोडली
सचिन जाधव, पुणे
Pune Latest News :
पुण्यात 'निर्भय बनो'च्या कार्यक्रमावरून महायुती आणि महाविकास आघाडीच्या कार्यकर्त्यांमध्ये जोरदार राडा झाला आहे. सभा उधळण्यासाठी भाजप कार्यकर्त्यांनी ज्येष्ठ पत्रकार निखिल वागळे यांची कार अडविण्याची घटना समोर आली आहे. तसेच भाजप कार्यकर्त्यांनी पुण्यात पत्रकार निखिल वागळे यांच्या कारवर शाईफेक आणि वाहन फोडण्याची माहिती समोर आली आहे. या घटनेनंतर उपमुख्यमंत्री अजित पावर यांनी कारवाईचे आदेश दिले आहेत. (Latest marathi News)
'निर्भय बनो'च्या सभेस जाण्यास निघालेल्या ज्येष्ठ पत्रकार निखिल वागळे, वकील असीम सरोदे यांची कार अडविण्याचा प्रयत्न भाजप कार्यकर्त्यांनी केला. पुण्यातील खंडोजी बाबा चौक येथे ही संपूर्ण घटना घडली. निखिल वागळे यांच्या कारवर अंडी आणि दगड फेकण्यात आले आहेत, अशी माहिती शरद पवार गटाचे पुणे शहर अध्यक्ष प्रशांत जगताप यांनी दिली.
महायुती आणि महाविकास आघाडीचे कार्यकर्ते आमनेसामने
'निर्भय बनो'च्या सभेवरून पुण्यात महाविकास आघाडी आणि महायुतीचे कार्यकर्त्यांमध्ये मोठा गोंधळ झाल्याची घटना घडली. भररस्त्यात झालेल्या गोंधळामुळे रस्त्यावर मोठी वाहतूक कोंडी झाल्याचे दिसून आले. या सभेच्या पार्श्वभूमीवर कार्यक्रमास्थळी पोलिसांचा मोठा फौजफाटा पाहायला मिळत आहे. या घटनेनंतर रस्त्यातच महाविकास आघाडीच्या कार्यकर्त्यांनी ठिय्या आंदोलन सुरु केलं. ('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
उपमुख्यमंत्र्यांकडून कारवाईचे आदेश
'निर्भया बनो'च्या महायुती आणि महाविकास आघाडीच्या कार्यकर्त्यांमधील गोंधळावर उपमुख्यमंत्री अजित पवार यांनी प्रतिक्रिया दिली आहे. अजित पवार म्हणाले, ' महायुती सरकार ही फुले, शाहू, आंबेडकरांना आणि लोकशाहीला मानणारी सरकार आहे. या सरकारमध्ये कोणावरही झालेला हल्ला अजिबात खपवून घेतला जाणार नाही.
'ज्येष्ठ पत्रकार निखिल वागळे यांच्यावर झालेला हल्ला संदर्भात मी लगेच पुण्याची पोलीस आयुक्तांशी बोलून दोषींवर कारवाई करायला लावणार आहे, असं आश्वासन उपमुख्यमंत्री अजित पवार यांनी दिले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.