Yusuf Lakdawala : कुख्यात गुंड युसुफ लकडावालाची प्राॅपर्टी जप्त करा; वांद्रे कोर्टाचे पोलिसांना आदेश

मुंबई : कुख्यात गुंड युसुफ लकडावाला याची वांद्रे येथील प्रॉपर्टी जप्त करा, असे आदेश वांद्रे महानगर दंडाधिकारी न्यायालयाने पोलिसांना दिले आहेत. त्यामुळे लवकरच आता वांद्रे पोलिस युसुफ लकडावाला याची मालमत्ता जप्त करणार आहेत. काही दिवसांपूर्वी लकडावाला यांच्या दुसऱ्या पत्नीने वांद्रे मेट्रोपॉलिटन मॅजिस्ट्रेट कोर्टात धाव घेतली होती. त्याने कौटुंबिक हिंसाचाराची तक्रार केली होती आणि मुलगा आणि सुनेकडे पोटगीची मागणी केली होती. (Latest Marathi News)

मात्र त्याच्या मुलाने व सुनेने यास नकार दिला. परंतु गेल्या वर्षी न्यायालयीन आदेशानंतर न्यायालयाने दिवंगत लकडावाला यांचा मुलगा फिरोज आणि त्यांची सून नूरी यांना सबीनाला पोटगी म्हणून २.७५ लाख रुपये देण्याचे आदेश दिले होते, परंतु तिने ते दिले नाही. या प्रकरणी आता मुंबई दंडाधिकारी न्यायालयाने (Court) लकडावलाची वांद्रे येथील मालमत्ता जप्त करण्याचे आदेश दिले आहेत.

युसूफ लकडावाला यांना २०२१ मध्ये फसवणूक, जमीन हडप आणि खोटारडे प्रकरणी ईडीने अटक केली होती.लकडावालाने इतर काही जणांसह हैदराबादच्या नवाबाचा चार एकरचा भूखंड हडपण्याचा प्रयत्न केला होता. या भूखंडाचा एक भाग दिवंगत लेखक मुल्कराज आनंद यांचा होता. लकडावाला यांचा ऑक्टोबर २०२१ मध्ये तुरुंगात मृत्यू झाला. त्याला आर्थर रोड कारागृहात ठेवण्यात आले होते.

युसूफ लकडावाला यांचा मुलगा फिरोजला त्याच्या पहिल्या पत्नीकडून आणि फिरोजची पत्नी नूरी यांना २.७५ लाख रुपये देऊ शकला नाही. ही रक्कम त्याला युसूफची दुसरी पत्नी सबिना हिला द्यायची होती. दरम्यान, लकडावाला याच्या मृत्युनंतर त्याच्या दुसऱ्या पत्नीने वांद्रे मेट्रोपॉलिटन मॅजिस्ट्रेट कोर्टात धाव घेतली होती. त्याने कौटुंबिक हिंसाचाराची तक्रार केली होती.

त्याचबरोबर तिने मुलगा आणि सुनेकडे पोटगीची मागणी केली होती. मात्र त्यांच्या मुलाने व सुनेने त्यास नकार दिला.मुंबईतील सुप्रसिद्ध बिल्डर आणि दिवंगत फायनान्सर युसूफ लकडावाला याची ओळख होती. त्याच्या मृत्युनंतर आता त्याची वांद्रे येथील मालमत्ता जप्त करण्याचे आदेश न्यायालयाने पोलिसांना (Police) दिले आहेत.

Edited By - Satish Daud