Dress Code : बदलापूरच्या या मंदिरात ड्रेस कोड लागू, अंगभर कपडे घालून आला तरच प्रवेश

मयुरेश कडाव

Badlapur Hanuman Mandir Temple Dress Code : राज्यभरात आज महाशिवरात्राचा उत्सव सुरू आहे, प्रत्येक शिव मंदिरात दर्शनासाठी रांगा लागल्या आहेत. शिवभक्तांमध्ये उत्साहाचे वातावरण असतानाच बदलापूरमधील हनुमान मंदिरात ड्रेस कोड लागू करण्यात आला आहे. अंगभर कपडे असतील, तरच मंदिरात प्रवेश मिळेल, असा निर्णय घेण्यात आला आहे. (Badlapur Temple Introduces Dress Code)

बदलापुरातल्या गांधी चौकातील हनुमान मंदिरात ड्रेसकोड लागू करण्यात आला आहे. हाफ पॅन्ट, मिनी स्कर्ट घालून आल्यास मंदिरात प्रवेश मिळणार नाही. त्याशिवाय मंदिर परिसरात पाळीव प्राणी आणण्यासही मनाई घालण्यात आली आहे. मंदिराच्या या निर्णयाचे काही जणांनी कौतुक केलेय, तर काही जणांनी विरोध दर्शवला आहे.

बदलापुरातल्या गांधी चौकातील प्रसिद्ध हनुमान मंदिरात ड्रेस कोड लागू करण्यात आलाय.यापुढे मॅक्सी, हाफ पँट, मिनी स्कर्ट्स, मीडी स्कर्ट्स,फाटलेल्या जीन्स घालून येणाऱ्यांना मंदिरात प्रवेश दिला जाणार नाही. तसा निर्णय मंदिर प्रशासनानं घेतला आहे. तसंच मंदिर परिसरात पाळीव पाणी आणण्यास मनाई करण्यात आलीय. ड्रेस कोड बाबतचा फलकही मंदिराबाहेर लावण्यात आलाय.

गांधी चौकातील हनुमान मंदिर हे बदलापुरातील जुनं मंदिर असून या ठिकाणी दररोज शेकडो भाविक दर्शनासाठी येत असतात, मंदिराचं पावित्र्य जपण्याच्या उद्देशानं हा निर्णय घेण्यात आल्याचं सांगण्यात येतय. बदलापूर हे चाकरमान्यांचं शहर म्हणून ओळखलं जातं. बहुतांश बदलापूरकर हे नोकरी कामधंद्यानिमित्त मुंबईला जात असतात. त्यामुळे मंदिर प्रशासनानं लागू केलेल्या ड्रेस कोडच्या निर्णयाचं भाविक स्वागत करतात, की विरोध हे पाहणं देखील महत्त्वाचं ठरणार आहे.