किरण गोसावीच्या अडचणीत वाढ; आणखी एक गुन्हा दाखल

पुणे - कार्डेलिया क्रूझ प्रकरणातील मुख्य पंच असलेला किरण गोसावीच्या अडचणीत आणखी वाढ झाली आहे. किरण गोसावी विरोधात पिंपरी चिंचवड शहरातील भोसरी पोलीस स्टेशनमध्ये आणखी एक नवा फसवणुकीचा गुन्हा दाखल झाला आहे. विजय कुमार सिद्धलिंग कानडे या व्यक्तीने किरण गोसावी विरोधात फसवणूक केल्याचा गुन्हा भोसरी पोलीस स्टेशन मध्ये दाखल केला आहे.

हे देखील पहा -

परदेशात हॉटेल मॅनेजमेंट मध्ये नोकरी लाऊन देतो म्हणून किरण गोसावीने विजय कुमार कानडे याची जवळपास 2 लाख 25 हजार रुपयांची फसवणूक केली आहे. या प्रकरणाचा तपास आता भोसरी पोलीस करत आहेत. किरण गोसावी हा सध्या पुणे पोलिसांच्या ताब्यात आहे. आता भोसरी पोलीस देखील गोसावी याला ताब्यात घेऊन फसवणुकीच्या गुन्ह्याचा तपास करणार आहेत.

Edited By - Shivani Tichkule