CM Uddhav Thackeray यांच्या गाडीच्या ताफ्यात अज्ञाताने घुसवली गाडी

सुरज सावंत

मुख्यमंत्री उद्धव ठाकरे (CM Uddhav Thackeray) यांच्या गाडीच्या ताफ्यात एका अज्ञात चालकाने त्याची गाडी घुसवल्याची माहिती समोर आली आहे. सोमवारी (१३ सप्टेंबर) सायंकाळी ही घटना घडली. मुख्यमंत्री साकीनाका अत्याचार प्रकरणी (Sakinaka case) पोलिस अधिकाऱ्यांची बैठक संपवून वर्षा या शासकिय निवासस्थानी जात असताना हा प्रकार घडला.

हे देखील पहा-

मुख्यमंत्र्याच्या ताफ्यात सुरक्षेसाठी असलेल्या रक्षकांनी त्याला ताफ्यातून बाहेर पडण्याचा इशारा केला. हा चालक वेडी वाकडी गाडी चालवत होता. त्याने कानात इअरफोन लावल्याने सुरक्षा रक्षकांकडे त्याचे लक्ष नव्हते. अखेर काही अंतरावर गेल्यानंतर वाहतूक पोलिसांनी त्याची गाडी थांबवली. पोलीसांनी केलेल्या चौकशीत संबंधित ड्रायव्हर हा मोठा व्यापारी असून मलबार हिलमधील एका निवासी इमारतीत राहत असल्याची माहिती समोर आली.

या प्रकरणी सुरक्षा कायद्यानुसार त्याच्यावर गुन्हा नोंदवण्यात आला असून त्याला नोटीस बजावली आहे.