Amit Shah News: नवी मुंबईतील खारघर येथे झालेल्या महाराष्ट्र भूषण पुरस्कार सोहळ्याला उपस्थिती दर्शवलेल्या काही श्रीसदस्यांचा उष्माघाताने मृत्यू झाला. उष्माघाताने आतापर्यंत १३ जणांचा मृत्यू झाला आहे. महाराष्ट्र भूषण पुरस्कार सोहळ्यातील याच दुर्घटनेवर केंद्रीय गृहमंत्री अमित शहा यांनी ट्विट करत शोक व्यक्त केला आहे. (Latest Marathi News)
या कार्यक्रमाला केंद्रीय गृहमंत्री अमित शहा यांनी प्रमुख पाहुणे म्हणून हजेरी लावली होती. तसेच अमित शहा यांनी या कार्यक्रमात डॉ. आप्पासाहेब धर्माधिकारी यांचा सत्कार देखील केला होता. मात्र, या कार्यक्रमात उष्माघाताने आतापर्यंत १३ जणांचा मृत्यू झाला आहे.
या दुर्घटनेवर अमित शहा (Amit Shah) यांनी ट्विट करत शोक व्यक्त केला आहे. 'काल झालेल्या महाराष्ट्र भूषण पुरस्कार सोहळ्याला उपस्थित असताना उष्माघाताने प्राण गमावलेल्या श्रीसदस्यांच्या जाण्याने, माझे मन जड झाले आहे.मृतांच्या कुटुंबियांप्रती मी संवेदना व्यक्त करतो. जे लोक उपचार घेत आहेत ते लवकरात लवकर बरे व्हावेत यासाठी मी प्रार्थना करतो'.
नवी मुंबईतील खारघर (Kharghar) येथे झालेल्या महाराष्ट्र भूषण पुरस्कार सोहळ्याला उपस्थिती लावलेल्या श्रीसदस्यांना उष्माघात झाला. उष्माघाताने मृत्यू होणाऱ्यांचा आकडा वाढतच चालला आहे.
उष्माघातामुळे सोमवारी आणखी दोन श्री सदस्यांचा उपचारादरम्यान मृत्यू झाला आहे. त्यामुळे मृतांचा आकडा 13 वर पोहचला आहे. कल्याण आणि विरारमध्ये राहणाऱ्या श्रीसदस्याचा मृत्यू झाल्याची माहिती समोर आली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
