नाराळाच्या करवंटीवर साकारली अमरजाई देवी, पाहा व्हिडिओ

मावळ : नवरात्रात आपल्या देवीची सेवा करण्यासाठी आपल्याकडून काय योगदान मिळते, अशी प्रत्येक गृहिणीची नागरिकांची इच्छा असते. काही महिला नऊ दिवसात वेगवेगळ्या रंगाच्या साड्या परिधान करून, योगदान देण्याचा प्रयत्न करत असतात, तर काही देवीच्या मंदिरात नऊ लहान मुलींना सजवून देवीचे रूप साकार करण्याचा प्रयत्न करत असतात. काही कलाकार रांगोळीतून देवीचे रूपे सादर करण्याचा प्रयत्न करत असतात.

हे देखील पहा-

अशाच तळेगाव दाभाडे येथील अनुजा जोशी यांनी सुपारीवर गणपती पेंटिंग करून साकारला होता. तसेच आज त्यांनी नारळाच्या करवंटीवर मावळातील जुना पुणे मुंबई महामार्गावर स्वयंभू प्रकट झालेली शेलारवाडी गावची ग्रामदेवता अमरजाई देवीची हुबेहूब प्रतिमा साकारली आहे. सुंदर आकर्षक अशी प्रतिमा पाहून साक्षात देवी आपल्या समोर प्रकट झाल्याचा भास होतो. पर्यावरणपूरक ही कला साकारत असताना तब्बल ४ तासाचा अवधी लागला आहे.

अमरजाई मंदिरातील मुख्य गाभारा मंदिरात बसून ही कलाकारी करण्यात आली आहे. यावेळी महिला वर्गाने मोठी गर्दी केली होती. नारळाची देवी प्रतिमा करवंटी मंदिराचे मुख्य पुजारी वसंत जोशी यांना अर्पण करण्यात आली आहे. नवरात्रीचे नऊ रंग वापरून खऱ्या अर्थाने देवीच्या नवरात्रोत्सव अमर जाई देवीचं चित्र रेखाटून आपण धन्य झालो अशी भावना अनुज यांनी व्यक्त केली आहे.

Edited By- Digambar Jadhav