Pune News : दिल्ली पाठोपाठ आता पुणे शहरात आज सकाळी ‘मोदी हटाव, देश बचाव’ या आशयाचे बॅनर लावण्यात आले आहेत. अनेक ठिकाणी लागलेले हे बॅनर सकाळी फिरायला गेलेल्या काही नागरिकांनी फोटो काढून सोशल मीडियावर टाकल्याने हे बॅनर चर्चेचा विषय बनलेले आहे. (Latest Marathi News)
आम आदमी (AAP) पक्षाच्या वतीने हे बॅनर लावण्यात आल्याचे बोलले जात आहे. आम आदमी पक्ष सरकार विरोधात देशभर आंदोलन करत आहेत आणि या आंदोलनाचा भाग म्हणून पुण्यात ठिकठिकाणी बॅनर लावण्यात आले आहे.
देशात राष्ट्रीय पातळीवर सुरू असलेल्या घडामोडी, अडाणी समूहाच्या कथित घोटाळ्यामुळे संसदेत सुरू असलेला गदारोळ, राहुल गांधी यांची खासदारकी तडकाफडकीने रद्द केल्याचे प्रकरण ताजे असतानाच अशा आशयाचे बॅनर पुण्यात (Pune) लागल्याने मोठी खळबळ उडाली आहे.
कोल्हापूर शहरात ‘मोदी हटाव, देश बचाव’चे बॅनर
दरम्यान, कोल्हापूर (Kolhapur) शहरात देखील आज सकाळी ‘मोदी हटाव, देश बचाव’ या आशयाचे बॅनर लागल्याने राजकीय क्षेत्रात चांगलीच खळबळ उडाली. दरम्यान, हे बॅनर कोणी लावले याबाबत अद्याप माहिती मिळाली नसली तरी दिल्लीत 'आप'ने लावलेल्या बॅनर सारखे दिसणारे हे बॅनर असल्याचे समजते.
Edited By - Shivani Tichkule
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.