पुणे : विनापरवाना ऊसाचे गाळप केलेल्या प्रकरणी 9 साखर कारखान्यांना साखर (Sugar Factories) आयुक्तांनी तब्बल 38 कोटी 17 लाख 31 हजार 500 रुपये दंड ठोठावला आहे. विनापरवाना (Unlicensed) गाळप केलेले साखर कारखान्यामध्ये सर्वाधिक भाजप- राष्ट्रवादीच्या (BJP-NCP) नेत्यांच्या कारखान्यांचा सहभाग आहे.
दंड ठोठावण्यात आलेल्या नऊ कारखान्यांपैकी चार पुण्यातील, (Pune) दोन सांगली, (Sangli) एक सातारा (Satara) आणि दोन सोलापूरमधील (solapur) आहेत असा कारखान्याचा समावेश आहे. दरम्यान या नऊ कारखान्यांमधील सात कारखाने सहकारी तर दोन खासगी आहेत. शिवाय सर्वाधिक साडे सात कोटी दंड ठोठावलेला साखर कारखाना सांगलीच्या राष्ट्रवादीचे आमदार मानसिंगराव नाईक यांचा आहे.
साखर आयुक्तांंनी आधीच दिलेला इशारा -
राज्यातील कारखान्यांनी ऊस गाळप हंगामाकरिता साखर कारखान्यांनी ऑनलाईन ऊस गाळप परवाना अर्ज सादर करण्याचे आदेश साखर आयुक्त शेखर गायकवाड (Shekhar Gaikwad) यांनी आधीच दिले होते. तर ऊस गाळप करण्यासाठी परवाना न घेतल्यास कारवाईचा इशारा देखील त्यांनी दिलेला आणि अखेर आज या नऊ कारखान्यांवरती आयुक्तांनी कारवाई केली आहे.
Edited By - Jagdish Patil
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
