Pune News : पुण्याच्या राजगुरुनगर पालिकेतील भ्रष्टाचाराची जाेरदार चर्चा शहरात सुरु असतानाच एक धक्कादायक प्रकार समाेर आला आहे. लाच प्रकरणात अडकलेल्यांना प्राेत्साहित केल्याचा ठपका ठेवत राजगुरुनगर पालिकेच्या मुख्याधिका-यांवर गुन्हा दाखल करण्यात आला आहे. (Maharashtra News)
राजगुरुनगर पालिकेच्या आरोग्य विभागात पुरवठा केलेल्या साहित्याचे बिल काढण्यासाठी 8 हजार रुपयांची लाच स्विकारताना दाेघा कर्मचा-यांना एसीबीने नुकतेच रंगेहात पकडले. एसीबीने दिलेल्या माहितीनूसार आरोग्य विभागातील अधिकारी चारुबाला हारडे आणि लेखाधिकारी प्रविण कापसे यांना अटक केल्यानंतर त्यांना न्यायालयात हजर करण्यात आले.
या दोघांना विशेष न्यायालयाने जामीन मंजुर केलेला आहे. एसीबीने या प्रकरणात कर्मचा-यांना लाच घेण्यास प्राेत्साहित केल्याने मुख्याधिकारी श्रीकांत लाळगे यांच्यावर गुन्हा दाखल केलेला आहे. लाळगे हे त्यांच्यावर गुन्हा दाखल झाल्यापासून बेपत्ता झाल्याची माहिती पाेलिसांकडून मिळाली आहे. पाेलिस लाळगेंचा शाेध घेताहेत.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.