Mumbai Crime News: धक्कादायक! टेम्पो चालकाने पोलिसांच्या अंगावर चढवली गाडी; पोलीस शिपाई आणि रिक्षावाला जखमी

Mumbai News Today: मुंबईच्या अंधेरी परिसरातील धक्कादायक घटना
Mumbai News
Mumbai NewsSaam Tv

संजय गडदे

Mumbai News: मुंबईच्या अंधेरी परिसरातून एक धक्कादायक बातमी पुढे आली आहे. शनिवारी रात्री अंधेरी पोलीस ठाण्याच्या वतीने ड्रंक अँड ड्राइव्हच्या कारवाईसाठी बंदोबस्त लावण्यात आला. मात्र, या बंदोबस्ताच्या वेळी ऑन ड्युटी असलेल्या पोलिसांच्या अंगावर गाडी चढवून जीवे मारण्याचा प्रकार उजेडात आला आहे.  (Latest Marathi News)

Mumbai News
Beed Crime News: लग्नाचे अमिष दाखवून महाविद्यालयीन तरुणीवर 6 वर्ष अत्याचार; गुन्हा दाखल

यात कर्तव्यावर असलेले पोलीस शिपाई आणि एक रिक्षा चालक गंभीर जखमी झाले आहे. त्यांच्यावर जोगेश्वरी येथील ड्रामा केअर रुग्णालयात (Hospital) उपचार सुरू आहेत. या घटनेनंतर टेम्पो चालक फरार झाला होता मात्र अंधेरी (Andheri) पोलिसांनी त्याला पहाटे सहा वाजता अटक केली. सागर गुप्ता (29 वर्ष) असं अटक करण्यात आलेल्या टेम्पो चालकाचे नाव आहे.

मिळालेल्या माहितीनुसार शनिवारी रात्री दीड वाजण्याच्या सुमारास अंधेरी पोलिसांनी अंधेरी पूर्वेकडील कुर्ला अंधेरी रोड नाविक माणसा बारच्या समोर ड्रंक अँड ड्राइव्हची मोहिम हाती घेतली होती. रिक्षा, मोटारसायकल आणि कार यांना थांबवून त्यांची तपासणी सुरू होती. त्यावेळी रात्री अडीच वाजण्याच्या सुमारास पोलिसांनी (Police) एक रिक्षा थांबवली.

Mumbai News
Pune Fire News: टिंबर मार्केट परिसरातील लाकडाच्या गोडाऊनला भीषण आग; अग्निशमन दलाचे 30 बंब घटनास्थळी

मात्र त्याचवेळी पाठीमागून वेगात आलेल्या टेम्पोने रिक्षाला जोरदार धडक दिल्यामुळे रिक्षाचा जागी चुराडा झाला व रिक्षा चालक आणि रिक्षाच्या पुढे उभे असलेले पोलीस शिपाई प्रफुल कुमार अशोक निकम (41 वर्षे) हे दोघेजण गंभीर जखमी झाले. पोलिसांनी या दोघांनाही जोगेश्वरी येथील ट्रामा केअर रुग्णालयात उपचारासाठी दाखल केले. (Mumbai News)

जखमी झालेल्या पोलीस शिपाई प्रफुल निकम यांनी यासंदर्भात तक्रार दिल्यानंतर टेम्पोचालक सागर गुप्ता (29 वर्ष) यांच्या विरोधात गुन्हा दाखल दाखल करण्यात आला आहे. दरम्यान अपघातानंतर फरार झालेल्या टेम्पोचालकाला अंधेरी पोलिसांच्या तपास पथकाने पहाटे सहा वाजता अटक केली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com