Ulhasnagar: लहान बहिणेने घराचा दरवाजा उघडला अन् मोठ्या बहिणीचा मृतदेह आढळला

उल्हासनगर: उल्हासनगर (Ulhasnagar) येथील कॅम्प क्रमांक पाचमध्ये राहणाऱ्या श्रुती सिद्धार्थ मोहोळ या १७ वर्षीय मुलीने राहत्या घरात गळफास घेत आत्महत्या केल्याची धक्कादायक घटना समोर आली आहे. घरातले सर्वजण कामावर गेले असता श्रुतीने आत्महत्या केली आहे.

मिळालेल्या माहितीनुसार, श्रुतीच्या घरी, आई-वडील आणि तिची बहीण हे राहतात. उल्हासनगर मधील कॅम्प क्रमांक पाच येथील कैलास नगर येथे आज दुपारी दोन वाजता श्रुतीची बहीण दुपारी जेवायला घरी आली, नेहमीप्रमाणे तिने घराचा दरवाचा वाजवला मात्र, घरामध्ये असणाऱ्या श्रुतीने दरवाजा उघडला नाही.

पाहा व्हिडिओ -

त्यामुळे लहान बहिणेने लगेच आजूबाजूच्या लोकांना मदतीसाठी बोलावत श्रुती आतून दरवाजा खोलत नसल्याचं सांगतलं. शेजारच्या लोकांच्या मदतीने दरवाजा तोडून श्रुतीची बहीण घरात घुसली असता, श्रुतीने ओढणीने फाशी घेऊन आत्महत्या केल्याचं तिला डोळ्यासमोर दिसल्याने तिला मोठा धक्का बसला.

दरम्यान, श्रुतीला तात्काळ खाली उतरून नजीकच्या बालाजी हॉस्पिटलमध्ये घेऊन गेले असता येथील वैद्यकीय अधिकाऱ्यांनी तिला मृत घोषित केलं. त्यानंतर तिचा मृतदेह मध्यवर्ती रुग्णालयात शवविच्छेदनासाठी नेण्यात आला आहे. सदर आत्महत्येचे कारण अद्याप समजलेलं नाही. या प्रकरणाचा अधिकचा तपास हिल लाईन पोलीस करत आहेत.

Edited By - Jagdish Patil