उल्हासनगर - चोरीच्या मोटारसायकल घेऊन फिरणाऱ्या दोघांना मध्यवर्ती पोलिसांनी अटक केली आहे. त्यांच्याकडून तब्बल ५ मोटारसायकल जप्त केल्या आहे. चोरीच्या मोटारसायकल घेणारे करण मिश्रा आणि वसीम शेख यांना मध्यवर्ती पोलिसांनी अटक केली आहे. मध्यवर्ती पोलीस (Police) ठाण्याच्या हद्दीत साईबाबा मंदिरा जवळ हे दोन तरुण नंबर प्लेट नसलेली बाईक घेऊन संशयास्पद फिरत असताना त्यांना पोलिसांनी ताब्यात घेतले. त्यांच्याकडे अधिक चौकशी केली असता अल्पवयीन मुलाकडून मोटारसायकल घेतल्याचे सांगितले.
हे देखील पहा -
त्या अल्पवयीन मुलाला मध्यवर्ती पोलिसांनी ताब्यात घेऊन त्याची अधिक चौकशी केली असता त्याने अजून मोटारसायकल चोरी केल्याची कबुली दिली. त्याच्याकडून ४ मोटारसायकल जप्त करण्यात आल्या आहेत. दरम्यान आरोपी हे चोरीच्या मोटारसायकल वरील नंबर प्लेट आणि चेसी नंबर चेंज करून चालवीत असल्याने पकडले जात नव्हते आणि विक्रीही करत होते.
यातील २ मोटारसायकल ह्या शिवाजी नगर पोलीस स्टेशन, २ मोटारसायकल बदलापूर पश्चिम पोलीस स्टेशनच्या हद्दीतील असून आरोपींना आज न्यायालयात हजर केले असता दोन दिवसांची पोलीस कोठडी व अल्पवयीन मुलाला बालसुधारगृहात पाठविले आहे.
Edited By - Shivani Tichkule
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.