Breaking News: अंबरनाथमध्ये इमारतीचं स्लॅब कोसळून मोठी दुर्घटना; ४५ वर्षीय महिलेचा जागीच मृत्यू

Ambernath News In Marathi

अंबरनाथमधून मोठी दुर्घटना समोर आली आहे. अंबरनाथमध्ये इमारतीच्या स्लॅबचं प्लास्टर कोसळल्याची मोठी घटना घडली. या घटनेत ४५ वर्षीय महिलेचा दुर्दैवी मृत्यू झाला आहे. आज शनिवारी सकाळी साडे सहा वाजण्याच्या सुमारास ही घटना घडली आहे. (latest Marathi News)

मिळालेल्या माहितीनुसार, अंबरनाथमध्ये स्लॅबचे प्लास्टर कोसळून एका महिलेचा झोपेत असताना दुर्दैवी मृत्यू झाला आहे. अंबरनाथमधील फातिमा शाळा परिसरातील अण्णा इमारतीमधील ही घटना आहे. आज शनिवारी सकाळी साडेसहा वाजता ही घटना घडली.

नेमकं काय घडलं?

अंबरनाथमधील अण्णा इमारतीच्या तिसऱ्या मजल्यावरील स्लॅबचे प्लास्टर खाली कोसळलं. या घटनेत ४५ वर्षीय गीता गुप्ता यांचा दुर्देवी मृत्यू झाला आहे. या घटनेत ४५ वर्षीय गीता गुप्ता यांचा झोपेत असतानाच जागीच मृत्यू झाला आहे. या घटनेने परिसरात हळहळ व्यक्त केली जात आहे.

उल्हासनगरमध्ये कारला भीषण आग

उल्हासनगर कॅम्प क्रमांक तीन येथील उपविभागीय कार्यालय येथे उभी असलेल्या एका कारला भीषण आग लागली. या आगीत कार जाळून खाक झाली आहे. दुपारच्या वेळेस या कारने पेट घेतला.

स्थानिकांनी या कारला लागलेल्या आगीवर नियंत्रण आणण्याचा प्रयत्न केला. मात्र, ही आग विझत नव्हती. यामुळे अग्निशमन दलाला पाचारण करण्यात आले. त्यानंतर घटनास्थळी पोहोचताच अग्निशमन दलाने काही वेळात आगीवर नियंत्रण मिळवलं. मात्र, सुदैवाने या आगीत कोणतीही जीवितहानी झाली नाही. ही आग कशी लागली, याचे कारण अद्याप समोर आलेले नाही.