Pune News : राजगडावर फिरायला गेलेल्या भिंवडीतील ३३ वर्षीय पर्यटकाचा दुर्दैवी मृत्यू, नेमकं काय घडलं?

सचिन जाधव

Pune News : सलग सुट्ट्यांमुळे अनेकजण पर्यटकांच्या पाय पर्यटनस्थळी वळले आहे. पुणे आणि आजूबाजूच्या परिसरातही पर्यटकांचा मोठी गर्दी पाहायला मिळत आहे. मात्र आज पहाटे पुण्यातील राजगड किल्ल्यावर दुर्दैवी घटना घडली आहे.

किल्ले राजगडावर भिवंडीतील पर्यटकाचा मृत्यू झाला आहे. किल्ले राजगड येथील पद्मावती पाण्याच्या टाक्यात पडून तरुण पर्यटकांचा मृत्यू झाल्याची घटना आज पहाटेच्या सुमारास घडली आहे.

अजय मोहनन कल्लामपारा वय ३३ वर्ष असं मृत्यू झालेल्या पर्यटकांचं नाव आहे. अजय टाटा कंझ्युमर प्रॉडक्ट लिमिटेड कंपनीत काम करत होता.