जिल्हा परिषदेचा स्काय वॉच उपक्रम; ग्रामीण भागातील विद्यार्थ्यांनी अनुभवले विश्वतरंग!

लातूर : सध्या देशभर 'आझादी का अमृत महोत्सव' साजरा केला जात आहे. लातूर जिल्हा परिषदेकडून शालेय विद्यार्थ्यांसाठी 'स्काय वॉच' हा उपक्रम राबवला जात आहे. या उपक्रमात ग्रामीण भागातील शालेय विद्यार्थी आकाशातील विहंगम दृष्यांचा अनुभव घेतला आहे. लातूरची राज्यातच नव्हे तर देशात देखील शिक्षणाच्या क्षेत्रात वेगळी ओळख निर्माण झाली आहे.

हे देखील पाहा :

शालेय विद्यार्थ्यांना खगोलशास्त्र या विषयात आवड निर्माण व्हावी यासाठी लातूर जिल्हा परिषदेच्या शिक्षणाधिकारी तृप्ती अंधारे यांनी लातूर येथील डॉ. विश्वनाथ कराड वर्ल्ड पीस स्कूलमध्ये तीन दिवसीय आकाश दर्शन या उपक्रमाचे आयोजन करण्यात केले होते.

कोरोना आणि लॉकडाऊन यांच्या अनेक दिवसांच्या कालखंडानंतर विद्यार्थ्यांनी आकाशातील विविध तारे ग्रह यांच्या निरीक्षणाचा आनंद अनुभवला आहे. यातून विद्यार्थ्यांच्या मनात खगोल शास्त्रा विषयी आवड आणि गोडी निर्माण होणार आहे. नक्कीच भविष्यात विद्यार्थी शास्त्रज्ञ बनतील असा विश्वास शिक्षणाधिकारी तृप्ती अंधारे यांनी व्यक्त केला आहे.

Edited By : Krushnarav Sathe