कोल्हेंचा विषय संपला, मात्र त्यांच्या चित्रपटाबाबत 'ही' भूमीका घेणार; युवक काँग्रेसचा इशारा

सोलापूर : नथुराम गोडसेची (Nathuram Godse) भूमिका साकारलेल्या अमोल कोल्हेंच्या 'व्हाय आय किल्ड' गांधी चित्रपटाचा कॉंग्रेसतर्फे निषेध केला जाणार आहे. तसंच चित्रपट कुठेही प्रदर्शित झाल्यास तीव्र विरोध करण्याचा इशारा युवक कॉंग्रेसने (Youth Congress) दिला आहे.

आज युवक कॉंग्रेसने सोलापुरातील गांधी पुतळ्याच्या पायथ्याशी महात्मा गांधींच्या (Mahatma Gandhi) पुण्यतिथीनिमित्त आदरांजली वाहिली आणि कोल्हेच्या 'व्हाय आय किल्ड गांधी' चित्रपटा विरोधात निदर्शने केली यावेळी त्यांनी गांधीजींचे मुखवटे घालून चित्रपटाचा केला निषेधही केला.

ते म्हणाले, 'आमचा चित्रपटाला विरोध असून अमोल कोल्हेंनी (Amol Kolhe) आत्मक्लेश केल्याने त्यांचा विषय संपला आहे मात्र आम्ही त्यांच्या चित्रपटाला विरोध करणार असून चित्रपट कुठेही प्रदर्शित झाल्यास तीव्र विरोध करण्याचा इशारा युवक कॉंग्रेसने दिला आहे.

राष्ट्रवादी काँग्रेचे खासदार अमोल कोल्हे यांनी काल ‘Why I killed Gandhi’ या चित्रपटात साकारलेल्या नथुराम गोडसेच्या (Nathuram Godse) भूमिकेबद्दल आळंदीत आत्मक्लेश केल्यामुळे त्यांचा विषय संपल्याचंही युवक कॉंग्रेसने यावेळी स्पष्ट केलं आहे.

Edited By - Jagdish Patil