नववर्षाच्या पहिल्याच दिवशी परभणीत तरुणाची निर्घृण हत्या!

परभणी : परभणी शहरात नववर्षाचा पहिला दिवस तरुणाच्या हत्येने उजाडलाय. शहरातील दर्गा रोड परिसरात असलेल्या कालव्याच्या बाजूला आज पहाटे युवकाचा मृतदेह आढळून आल्याने दर्गा रोड भागात मोठी खळबळ उडाली आहे. घटनेची माहिती कोतवाली पोलिसांना मिळताच तात्काळ घटनास्थळी धाव घेत पोलिसांनी मृतदेह ताब्यात घेतला.

हे देखील पहा :

दुपारनंतर मृतदेहाची ओळख पटली असून, शहरातील मध्यवस्तीत असलेल्या भोई गल्ली भागात राहत असलेल्या अमिष नवीद खान (17) हा तरुण शुक्रवारी रात्री नऊ वाजल्यापासून बेपत्ता झाला होता. घरच्यांनी त्याच्या शोध घेतला असता तो कुठून आढळून येत नव्हता. परंतु, शनिवारी सकाळी कोडगाव शिवाराच्या एका कॅनलच्या बाजूच्या झाडांमध्ये त्याचा मृतदेह आढळून आला आहे. पोलिसांनी तात्काळ घटनास्थळी धाव घेत तपास सुरु केला आहे.

Edited By : Krushnarav Sathe