बुलढाणा : बुलढाणा जिल्ह्यातील धामणगांव येथील 22 वर्षीय राजू वसंता महाले या युवकाचा सापाला पकडण्याच्या मोहापायी सर्पदंशामुळे दुर्देवी मृत्यु झाला आहे. राजु नामक युवकाच्या राहत्या घरा समोर मासरुळरोडवर रात्री १० वाजेच्या सुमारास अतिविषारी मण्यार जातीच्या नर व मादीची प्रणयकिडा सुरु असल्याचे परिसरातील काही नागरिकांच्या निदर्शनास आले.
हे देखील पहा :
उपस्थित नागरिकांमधील राजुने सापांना पकडण्याचे वेडे धाडस केले. परंतु साप पकडण्याच्या प्रयत्नात सापांनी सदर युवकास चार ठिकाणी चावा घेतल्यामुळे, सापाचे विष राजुच्या पूर्ण शरीरात भिनले.
उपस्थित नागरिकांनी राजुला दवाखान्यात दाखल केले असता, उपचारा दरम्यान त्याचा दुर्देवी मृत्यु झाला. उपस्थित नागरिकांकडून प्राप्त माहिती नुसार राजुने सापांना पकडण्याचे कुठल्याही प्रकारचे प्रशिक्षण घेतले नसल्याची माहिती समोर आली आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
