Yavatmal News : ऐन सणासुदीच्या दिवशी घरात आई-वडिलांचा टाहो, दोघे मावस भावांचा बुडून मृत्यू; गाव सुन्न

यवतमाळ : धुळवडीच्या दिवशी धरणात पोहोण्यासाठी उतरलेल्या पाच जणांपैकी दोघांचा बुडून मृत्यू झाल्याची घटना यवतमाळच्या डोंगरखर्डा इथूनजवळ असलेल्या खोरद येथील धरणावर घडली. आठ जण पोहोण्यासाठी गेले होते. त्यापैकी पाचजण अचानक बुडायला लागले, त्यातील तिघांना वाचविण्यात यश आले तर दोन मावस भावांचा यात बुडून मृत्यू झाला.

बुडालेल्या एकाचा मृतदेह हाती लागला असून दुसऱ्याचा शोध सुरू आहे. अंधार झाल्याने शोधकार्य थांबविण्यात आले असून पंकज झाडे आणि जयंत धानफुले अशी मृतकांची नावे आहेत. ते दोघे अरुण भोईर यांच्या घरी पाहुणे म्हणून आले होते. दरम्यान, बोटीच्या सहाय्याने पाचपैकी तिघांना वाचविण्यात यश आलं आहे. शोध मोहिमेदरम्यान मृतक पंकज झाडे याचा मृतदेह मिळाला असून जयंत धानफुले यांचा मृतदेह मिळालेला नाही. अधिक तपास कळंब पोलीस करीत आहेत.