Will Ravikant Tupkar Joins BJP : रविकांत तुपकर भाजपाच्या गळाला लागणार? तुपकरांनी स्पष्टच सांगून टाकलं

Buldhana News : स्वाभिमानी शेतकरी संघटनेचे नेते राजू शेट्टी (Raju Shetti) यांच्या कार्यप्रणालीवर नाराजी व्यक्त करीत बंडाचा झेंडा हाती घेतलेल्या रविकांत तुपकर (Ravikant Tupkar) यांना भाजपात यावे अशी खुली ऑफर देण्यात आली आहे. ही ऑफर तुपकर स्विकारणार का याकडे राज्यातील राजकीय वर्तुळाचे लक्ष लागून राहिले आहे. (Maharashtra News)

शेतक-यांचे हित साधायचे असेल तर रविकांत तुपकर यांनी भाजपात यावे असे भाजपचे (obc सेलचे नेते) आशिष देशमुख यांनी रविकांत तुपकर यांना खूली ऑफर दिली आहे. पंतप्रधान नरेंद्र माेदींच्या नेतृत्वाखाली शेतक-यांचे हित जाेपासले जात आहे. तसेच भाजपास देखील तुपकरांच्या माध्यमातून एक धडाडीचा नेता मिळेल असेही देशमुख यांनी नमूद केले.

आत्ताच बाेलणे उचित ठरणार नाही - तुपकर

या ऑफरबाबत तुपकर यांनी साम टीव्हीशी बाेलताना आशिष देशमुख यांनी मला भाजपमध्ये येण्याची खुली ऑफर दिली हे मला माध्यमाच्याच माध्यमातून कळलं आहे. मला कुठल्याही भाजप नेत्याने किंवा कार्यकर्त्याने विचारणा केलेली नाही.

त्यामुळे आशिष देशमुख यांनी जरी ऑफर दिली असेल तरी ते माध्यमातूनच आहे. कुठल्याही भाजप नेत्याचा मला फोन आला किंवा ऑफर आली तरच मी त्यावर वक्तव्य करेल.

Edited By : Siddharth Latkar