Jat Drought Area : पाण्याचे स्त्रोत आटले; 2 दिवसांत म्हैसाळ सिंचनातून तलाव, विहिरी भरणार : जत प्रांताधिकारी

सांगली जिल्ह्यातल्या दुष्काळाचे सावट गंभीर बनलं आहे. तलाव, विहीरीत पाण्याचा एकही थेंब राहिला नसल्याने जत तालुक्यात भीषण स्थिती निर्माण झाली आहे. सध्या तालुक्यात 90 हुन अधिक टॅंकरने पाणी पुरवठा सुरु असला तरी पाण्यासाठी वाहनांच्या रांगा लागत आहे. दरम्यान येत्या 2 दिवसांत म्हैसाळ सिंचन योजनेचे पाण्यातून आटलेले तलाव आणि विहिरी भरून घेण्याचा निर्णय जत प्रांताधिकारी यांनी घेतला आहे. त्याबाबतची माहिती जतच्या प्रांताधिका-यांनी साम टीव्हीशी बाेलताना दिली. (Maharashtra News)

जत तालुक्यातील उटगी येथील पाण्याचा स्त्रोत आटले. उटगी येथील तलाव बरोबर विहिरीतील पाणी आटले. सकाळ पासून उटगी तलावच्या ठिकाणी 14 ते 15 टॅंकर पाणी भरण्याच्या प्रतीक्षेत रांगा लावून आहेत.

या भागासाठी दररोज 40 टॅंकर भरणाऱ्या उटगी येथे केवळ दिवसभरात 15 ते 20 टॅंकर भरले जात आहेत. जत तालुक्यात सध्या 90 हुन अधिक टॅंकरने पाणीपुरवठा सुरू आहे. दरम्यान पाण्याची भीषण स्थिती निर्माण झाल्याने येत्या 2 दिवसात म्हैसाळ सिंचन योजनेचे पाण्यातून आटलेले तलाव आणि विहिरी भरून घेतल्या जाणार आहेत अशी माहिती जत प्रांताधिकारी यांनी नमूद केले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar