Samruddhi Mahamarg Accident: समृद्धी महामार्गावर अपघात सुरुच, सूरतला जाणाऱ्या रुग्णवाहिकेची कारला धडक; एकाचा मृत्यू

मनोज जयस्वाल, वाशिम

Samruddhi Mahamarg Accident:

समृद्धी महामार्ग अपघातामुळे नेहमी चर्चेत असतो. या महामार्गावरील अपघातांची मालिका सुरुच असल्याचे दिसून येत आहे. या महामार्गावर पुन्हा एकदा अपघाताची भीषण घटना घडली आहे. महामार्गावर रुग्णवाहिकेने कारला जोरदार धडक दिल्याने मोठ अपघात झाला आहे. या अपघातात एकाचा जागीच मृत्यू झाला आहे. (Latest Marathi News)

मिळालेल्या माहितीनुसार, समृद्धी महामार्गावर वाशिमच्या मालेगाव तालुक्यातील वनोजा ते कवरदरीच्या दरम्यान कार आणि रुग्णवाहिकेमध्ये भीषण अपघात झाला आहे.

रुग्णवाहिकेने कारला पाठी मागून जोरदार धडक दिल्याने हा अपघात झाला आहे. या अपघातात एक जण ठार झाल्याची माहिती हाती आली आहे. तर 9 जण जखमी झाले आहेत. यातील दोघांची प्रकृती चिंताजनक आहे. या अपघाताने घटनास्थळाच्या परिसरात एकच खळबळ उडाल्याचे दिसून आलं.

अपघात कसा झाला?

पुनीत नांदेलवार कुटुंबियांसमवेत नागपूरवरून मुंबईला कारने जात होते. तर वाशिम जिल्ह्यातील वनोजा ते कवरदरी दरम्यानच्या समृद्धी महामार्गावर नागपूरवरून सुरतला उपचारासाठी रुग्ण नेत असलेल्या भरधाव रुग्णवाहिकेने पाठीमागून कारला जोरदार धडक दिली.

या भीषण अपघातात रुग्णवाहिकेतील मोहिनी आभडे ठार झाल्या आहेत. तर कारमधील पुनीत नांदेवाल, शालू नांदेवाल, आरव नांदेवाल आणि पायल नांदेवाल असे 4 जण जखमी झाले आहेत. तर रुग्णवाहिकेमधील मोहनिश भोनेवाला, चालक प्रदीप कुमार बोहरा, सौम्या बोहरा, राकेश भोनेवाला आणि वीरेंद्र पाल हे 5 जण जखमी झाले आहेत.