Washim News: शेतातील विहिरीत आढळला महिला सरपंचाचा मृतदेह; वाशिममध्ये खळबळ

मनोज जयस्वाल, वाशिम

Washim Crime News

वाशिममधून धक्कादायक घटना समोर आली आहे. वाशिम तालुक्यातील वारा जहागीर गावच्या विद्यमान सरपंच सुगंधाबाई पूंजाजी कांबळे (62) यांचा मृतदेह आढळला आहे. त्यांचा मृतदेह शेतातील विहिरीत आढळ्याने गावात एकच खळबळ उडाली आहे. (Latest Marathi News)

मिळालेल्या माहितीनुसार, वाशिमच्या वारा जहागीर गावच्या सरपंच सुगंधाबाई या गेल्या तीन वर्षांपासून सरपंचपदी कार्यरत होत्या. सुगंधाबई कांबळे यांनी गेल्या तीन वर्षांपासून सरपंचपद निर्विवादपणे सांभाळले.

सुगंधाबाई यांच्या आतापर्यंत कार्यकाळात कोट्यवधी रुपयांची रुपयांची विकासाची कामे झाले आहेत. त्यांचा मृत्यू नेमका कसा झाला, याचे कारण अद्याप समोर आलेले नाही. सध्या महिला सरपंचाच्या मृतदेहाचं शवविच्छेदन करण्यात आलं आहे. परंतु त्याचा वैद्यकीय अहवाल अद्याप आलेला नाही. वैद्यकीय अहवालानंतरच त्यांच्या मृत्यूचे कारण स्पष्ट होणार आहे.

महिला सरपंच सुगंधाबई कांबळे यांच्या मृत्यूने त्यांच्या कुटुंबावर शोककळा पसरली आहे. सुगंधाबई कांबळे यांच्या मृतदेहावर आज २० सप्टेंबर रोजी दुपारी २ वाजताच्या सुमारास त्यांच्यावर अंतिम संस्कार करण्यात आले.

सुगंधाबई कांबळे यांच्या मृत्यूप्रकरणी आकस्मिक मृत्यूची नोंद करण्यात आली. या प्रकरणाचा पुढील तपास आसेगाव पोलीस स्टेशनचे ठाणेदार सागर दानडे यांच्या मार्गदर्शनात पोलीस कर्मचारी शरद राठोड करत आहेत.

पत्नीची हत्या करून पतीनेही जीवन संपवलं , नांदेडमध्ये खळबळ

नांदेडमध्ये एका व्यक्तीने तिच्या पत्नीची हत्या केल्याची धक्कादायक घटना घडली आहे. पत्नीची हत्या केल्यानंतर पतीने घरातच आत्महत्या केली आहे. या घटनेने नांदेडमध्ये खळबळ उडाली आहे.

नांदेड जिल्ह्यातील किनवट तालुका भिसी गावात ही घटना घडली आहे. पतीने आपल्या पत्नीची झोपेत हत्या केल्याचे उघडकीस आले आहे. त्यानंतर त्यानेही जीवन संपवलं आहे. रुपाली भालेराव (वय २९), मारुती भालेराव (वय ३५) असं दोन्ही पती-पत्नीचं नाव आहे.