Washim Accident News: देवदर्शनाला जाणारे कुटुंब थोडक्यात बचावले; भरधाव ट्रकची कारला धडक, पाच गंभीर जखमी

मनोज जयस्वाल

वाशिम : वणीच्या गडावरून शेगाव येथे दर्शनाकरिता नायगावकर कुटुंब जात होते. परंतु देवदर्शन घेण्यापूर्वीच कुटुंबाचा (Accident) अपघात झाला. भरधाव ट्रकने दिलेल्या धडकेत हा अपघात झाला (Shegaon) असून यातून नायगावकर कुटुंब थोडक्यात बचावले आहे. या अपघातात कारमधील ५ जण गंभीर जखमी झाले आहेत. (Tajya Batmya)

नायगावकर कुटुंब शेगाव येथे दर्शनासाठी जात होते. प्रवास सुरु असतांना कारंजा - दारव्हा मार्गावर बोदेगाव ते सावंगीच्या मधोमध नदीच्या पुलाजवळ भरधाव ट्रकने कार्ल धडक दिली. या अपघातात कारमधील उषा नायगावकर (वय ५५), अबोली नायगावकर (वय २३), आनंद नायगावकर (वय ३७), अशोक नायगावकर (वय ६७), राकेश गडमवार (वय ५०) हे पाचही गंभीर जखमी झाले आहेत. (Washim) तर सुदैवाने कारमधील तीन वर्षाच्या मुलीला कोणतीही दुखापत झाली नाही. 

जखमी रुग्णालयात दाखल 
सदर अपघाताची माहिती समजल्यानंतर श्रीगुरु मंदिर रुग्णवाहिकेचे रुग्णसेवक रमेश देशमुख यांनी तात्काळ रुग्णवाहिका घटनास्थळी नेली. सर्व जखमी रुग्णांना उपजिल्हा रुग्णालय कारंजा येथे दाखल केले. येथील वैद्यकीय अधिकारी डॉ. मोरे साहेब यांनी त्यांच्यावर प्रथम उपचार करून पुढील उपचारासाठी नागपूर येथे रवाना करण्यात आले.