स्मशानभूमीत मुलीची पूजा; व्हिडिओ व्हायरल हाेताच मांत्रिक पसार

सातारा : सुरूर येथील अल्पवयीन मुलीला स्मशानभूमीत पुजण्याचा धक्कादायक प्रकार सातारा जिल्ह्यात घडल्याने एकच खळबळ माजली आहे. दरम्यान हा प्रकार युवकांच्या निदर्शनास येताच मांत्रिकासह अल्पवयीन मुलगी आणि तिचे नातेवाईक बेपत्ता झाले आहेत. wai-superstition-surur-minor-girl-performed-balck-magic-pooja-cemetery-satara-sml80

वाई तालुक्यातील सुरूर गावाच्या स्मशानभूमीतील कट्ट्यावर मुलीच्या मांडीवर कोंबडा देऊन मांत्रिकाने पूजन केल्याचा व्हिडिओ व्हायरल झाल्यानंतर हा प्रकार समाेर आला आहे. यावेळी तेथे विचारणासाठी गेलेल्या युवकांनी काही नाही तिला त्रास हाेत हाेता म्हणून हे करीत आहे. फक्त काेंबडा मारुन नेणार आहाेत असे सांगताना दिसताहेत.

हा प्रकार युवकांच्या निदर्शनास येताच मांत्रिकासह अल्पवयीन मुलगी आणि तिचे नातेवाईक बेपत्ता झाले आहेत. अल्पवयीन मुलीच्या स्मशानभूमीत पुजनामुळे अनेक चर्चेला उधाण आले आहे. वाई तालुक्यातील सुरूर गावाच्या स्मशानभूमीतील घटनेवर अंधश्रद्धा निमुर्लनचे कार्यकर्ते काय करणार याची देखील चर्चा सुरु आहे.

edited by : siddharth latkar