Virar News: चेंडू घरात गेला म्हणून मुलाला मारहाण; घटना सीसीटीव्हीत कैद

विरार : विरार पूर्वेकडील दत्तनगर येथे क्रिकेट खेळणाऱ्या मुलांचा चेंडू घरात गेल्याने संतापलेल्या इसमाने एका अल्पवयीन मुलाला (Virar) पळवून पळवून मारहाण केली. मारहाणीचा सीसीटीव्ही (CCTV) व्हायरल झाला आहे. विरार पोलसांनी याप्रकरणी सदर इसमाला नोटीस दिली आहे. (Latest Marathi News)

विरारच्या दत्तनगरमधील बिल्डींगच्या आवारात काही मुले खेळत होती. त्यावेळी किशोर ढवळे यांच्या घराच्या उघड्या दरवाजातून त्यांच्या घरात चेंडू गेला. यामुळे संतप्त झालेल्या किशोरने अल्पवयीन मुलाला पळवून पळवून मारहाण केली आहे. त्याचा सीसीटीव्ही व्हायरल झाला आहे. या मारहाणीचा धसका घेतल्याने तो घराबाहेर जाण्यास घाबरत आहे.

दरम्यान याप्रकरणी विरार पोलीस (Police) ठाण्यात एकमेकां विरोधात अदखलपात्र गुन्हा दाखल केला आहे. मारहाण करणारे किशोर ढवळे यांनी व विरार पोलिसांनी आम्ही ढवळे यांना नोटीस दिली असून कारवाई केल्याचे पोलिसांनी सांगितले आहे. मात्र कॅमेरा समोर बोलण्यास नकार दिला.