Nashik News : शासकीय सुट्टया आणि श्रावण मासात भाविकांची दर्शनासाठी होणारी गर्दी लक्षात घेता बारा ज्योतिर्लिंगांपैकी एक असलेल्या त्र्यंबकेश्वराचं व्हीआयपी दर्शन आजपासून (शनिवार, ता. 11) १५ सप्टेंबरपर्यंत बंद करण्यात आले आहे. त्र्यंबकेश्वर देवस्थानचा सामान्य भक्तांना दिलासा देणारा हा निर्णय ठरणार आहे. (Maharashtra News)
श्रावण महिन्यात देश-विदेशातून हजाराे भाविक त्र्यंबकेश्वरला येत असतात. यंदा श्रावण महिन्यापु्र्वी अधिक मास देखील आला आहे. अधिक मास निमित्त नागरिक माेठ्या भक्ती भावाने धार्मिक कार्यक्रम करीत असतात. विविध मंदिरात जाऊन देव देवतांचे दर्शन घेत असतात.
सध्या श्रावण मासानिमित्त त्र्यंबकेश्वर मंदिरात देखील भाविकांची मोठी गर्दी हाेत आहे. यामुळे मंदिरात पोहोचेपर्यंत भाविकांना पाच ते सहा तासांचा वेळ लागताे. भाविकांना दर्शनासाठी होणारा विलंब टाळण्यासाठी व्हीआयपी दर्शन सुविधा बंद (VIP Darshan in Trimbakeshwar Closed) करण्याचा निर्णय त्र्यंबकेश्वर देवस्थान घेतला आहे.
दरम्यान देशभरातून येणाऱ्या व्हीआयपींसाठी व्हीआयपी दर्शन व्यवस्था सुरू ठेवावी याबाबत जिल्हाधिकारी यांनी मंदिर प्रशासनाशी पत्रव्यवहार केला हाेता. जिल्हाधिकाऱ्यांच्या पत्रानंतरही मंदिर प्रशासन व्हीआयपी दर्शन बंद ठेवण्याच्या निर्णयावर ठाम राहिले आहे.
परिणामी व्हीआयपी दर्शनावरून त्रंबकेश्वर देवस्थान आणि जिल्हाधिकारी आमने-सामने आलेत. दरम्यान २०० रुपये सशुल्क व्हीआयपी दर्शन १५ सप्टेंबरपर्यंत बंद राहणार असल्याचे कळविण्यात आले आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.