Vasai: लॉजमध्ये आढळला 26 वर्षीय महिलेचा मृतदेह; गळा आवळून केली हत्या

वसई: वसईत एका लॉजिंगमध्ये एका महिलेचा मृतदेह सापडल्याने खळबळ उडाली आहे. वसई पश्चिमेच्या पापडी येथील द स्टेटस लॉजिंग मधील ही धक्कादायक घटना घडली आहे. आज सकाळी १२ वाजताच्या सुमारास या हॉटेल मधील एका रूम मध्ये महिलेचा मृतदेह हॉटेलच्या व्यवस्थापनाला  आढळला आहे. त्यांनी या बाबतची माहिती वसई पोलिसांना दिल्यानंतर पोलीस घटनास्थळी दाखल झाले असून अधिक तपास केला जात आहे. तिची गळा आवळून  हत्या करण्यात आल्याची माहिती पोलिसांकडून मिळत आहे. ती नेमकी हॉटेलमध्ये कोणासोबत आली होती याचा वसई पोलीस तपास करीत आहेत. मात्र अशा पद्धतीने महिलेचा मृतदेह आढळणे हे फारच धक्कादायक आहे.