चित्रा वाघ म्हणतात...हा तर सर्वज्ञानींच्या दौऱ्याचा परिणाम

(सुशांत सावंत)

मुंबई : 'सर्वज्ञानींच्या झंझावाती प्रचारदौऱ्याचा परीणाम- शिवसेनेच्या गोवा आणि उत्तर प्रदेशातील उमेदवारांचं डिपॉझीट जप्त होताना दिसत आहे….

झुकेगा नही ….जब तक महाराष्ट्र में इसी तरह शिवसेना का सुपडा साफ़ नहीं करतां -इति सर्वज्ञानी' असे म्हणत भाजपच्या प्रदेश उपाध्यक्षा चित्रा वाघ यांनी शिवसेना नेते व खासदार संजय राऊत यांची खिल्ली उडवली आहे.

उत्तर प्रदेश (UP) व गोव्यात (GOA) भाजपने जोरदार मुसंडी मारली आहे. त्या पार्श्वभूमीवर चित्रा वाघ यांनी राऊत (Sanjay Raut) यांना हिणवले आहे. भाजपची सरशी होणारचं होती…भाजपने देशभरात जनतेला विकासासोबतचं विश्वास ही दिला पण इथे मात्र नेहमीप्रमाणे विरोधकांची #EVM च्या नावाने रडायला सुरूवात झालीये, असाही टोला वाघ यांनी लगावला आहे.