![Washim Weather News: अवकाळी पावसाचा शेतक-यांना फटका, वाशिम जिल्ह्यात 7 हजार 780 हेक्टर पिकांचे नुकसान](http://media.assettype.com/saamtv%2F2024-05%2F84164a85-e6ea-4a3a-927e-46829c9ea8d2%2FSaam_Templet_Banner_new__2_.jpg?w=480&auto=format%2Ccompress&fit=max)
- मनोज जयस्वाल
वादळी वाऱ्यासह झालेला अवकाळी पाऊस आणि गारपिटीने मागील तीन महिन्यांत वाशिम जिल्ह्यात ७ हजार ७८० हेक्टरपेक्षा अधिक क्षेत्रातील विविध पिकांचे नुकसान झाले आहे. सततच्या अवकाळी पावसाने वारंवार पिकांचे नुकसान होऊन शेतकरी हतबल झाला आहे.
वाशिम जिल्ह्यातील मालेगाव व मानोरा तालुक्यात रविवारी देखील काही ठिकाणी वादळी वाऱ्यासह पाऊस झाला. मागील तीन ते चार दिवसांपासून वाशिम जिल्ह्यातील विविध भागात अधून मधून अवकाळी पाऊस पडत आहे. या पावसामुळे उकड्याने त्रस्त नागरिकांना दिलासा मिळाला असला तरी शेतीचे मात्र नुकसान झाले आहे.
दरम्यान, एप्रिल महिन्यात झालेल्या पीक नुकसानाचे पंचनामेही पूर्ण झाले आहेत. बाधित शेतकऱ्यांना मदतीसाठी आवश्यक निधीबाबतचा अहवाल विभागस्तरावर जिल्हा प्रशासनाकडून सादर करण्यात आला आहे अशी माहिती प्रशासनाकडून मिळाली.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.