Chikhali Crime News : चिखली तालुक्यात तरुण विवाहितेची हत्या? मृतदेह पाहून पाेलिसही चक्रावले

Buldhana News :

चिखली (chikhali) तालुक्यातील असोला शिवारात आज (मंगळवार) सकाळी संतापजनक घटना उघडकीस आली. चिखली ते अंचरवाडी दरम्यान असलेल्या असोला गावा नजिक येथील एका ढाब्याच्या मागील बाजूस एका तरुण विवाहितेचा विवस्त्र व अर्धवट जळालेल्या अवस्थेत मृतदेह आढळला. बुलढाणा पाेलिस दल (buldhana police) या घटनेचा कसून तपास करीत आहेत. (Maharashtra News)

पाेलिसांनी दिलेल्या माहितीनूसार मृतक विवाहितेचे वय अंदाजे १९ ते २५ या वयोगटातील आहे. तरुणीचा आधी गळा आवळण्यात आला, डोक्यात मागील बाजूला दगडाचा वार करण्यात आला आणि अंगातील कपडे तिच्या चेहऱ्यावर टाकून जाळण्यात आले असे प्रथमदर्शनी दिसत आहे.

विवाहितेचा मृतदेह विवस्त्र अवस्थेत आहे. तिला मारण्याआधी तिच्यावर अत्याचार केला असावा असा संशय पोलिसांनी व्यक्त केला. आहे. शवविच्छेदन अहवाल आल्यानंतर चित्र स्पष्ट होईल असे सुनील कडासने (जिल्हा पोलीस अधीक्षक, बुलढाणा) यांनी नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

यावेळी अप्पर पोलीस अधीक्षक बी बी महामुनी, उपविभागीय पोलिस अधिकारी प्रदीप पाटील, अंढेरा पोलीस स्टेशनचे ठाणेदार विकास पाटील आदी उपस्थित हाेते.

Edited By : Siddharth Latkar