Ulhasnagar Crime News : अनधिकृत बांधकामची तक्रार केल्याने तरुणावर जीवघेणा हल्ला; संपूर्ण घटना सीसीटीव्हीत कैद

उल्हासनगर : अनधिकृत बांधकामाची तक्रार केली म्हणून एका तरुणावर जीवघेणा हल्ला झाल्याची घटना (Ulhasnagar) उल्हासनगर शहरात घडली आहे, ही संपूर्ण घटना सीसीटीव्हीत (CCTV) कैद झाली असून जखमी तरुणावर मध्यवर्ती रुग्णालयात उपचार सुरू आहेत. (Tajya Batmya)

उल्हासनगर कॅम्प नंबर ५ येथील इंदिरानगर परिसरात सार्वजनिक रोडवर अनधिकृत बांधकाम करण्यात आलं होते. याची तक्रार येथील नागरिकांनी उल्हासनगर महापालिकेत केली होती. याचा राग मनात धरून सुनील साबळे, मोहन साबळे आणि जीवन साबळे यांनी मयूर भोई ह्या तरुणावर लाकडी दांडक्याने मारहाण केली. ही संपूर्ण घटना सीसीटीव्ही कॅमेरात कैद झाली असून मयूर हा गंभीर जखमी झाला आहे.  

तीनजण ताब्यात 

मारहाणीत जखमी झालेल्या मयूर याच्यावर सद्या उल्हासनगरच्या मध्यवर्ती रुग्णालयात उपचार सुरू आहेत. याप्रकरणी हिललाईन पोलीस ठाण्यात गुन्हा दाखल करण्याची प्रक्रिया सुरू असून पोलिसांनी तीन जणांना ताब्यात घेतलं आहे.