Accident : चरणमाळ घाटातील बस अपघातात चालकासह चिमुकलीचा मृत्यू, बारा प्रवासी जखमी

Nandurbar : महाराष्ट्र गुजरात सीमेवरील धुळे नंदुरबार जिल्ह्याच्या सीमेवर असलेल्या चरणमाळ घाटात अति तीव्र उतार वळणामध्ये रात्री साडेदहा ते अकरा दरम्यान सटाणाहून गुजरात नडियाद येथे जाणाऱ्या खाजगी लक्झरी बसचा अपघात (accident) झाला आहे. या अपघातात चालक व एका अठरा महिन्याच्या मुलीचा मृत्यू झाला असून दहा ते बारा प्रवासी गंभीर जखमी झाले असल्याची प्राथमिक माहिती आहे.

हा अपघात रात्री साडेदहा ते अकरा दरम्यान झाला. त्यानंतर 108 व खाजगी रुग्णवाहिकेच्या मदतीने जखमींना नवापूर ग्रामीण रुग्णालयामध्ये उपचारासाठी दाखल करण्यात आले. अपघात झालेल्या खाजगी लक्झरी बसमध्ये 50 पेक्षा अधिक प्रवासी प्रवास करत असल्याची माहिती प्रत्यक्ष दर्शनी दिली आहे.

चरणमाळ घाट अती तीव्र उतार व वळणाचा असल्याने या ठिकाणी मोठ्या प्रमाणात नेहमी अपघात होतात. काल रात्री झालेला अपघात खाजगी लक्झरी प्रवासी वाहनाचे मोठे नुकसान झाले आहे. तर प्रवासी भयभीत झाले हाेते. त्यांना स्थानिकांनी धीर दिल्याचे नागरिकांनी सांगितले.

Edited By : Siddharth Latkar