Beed Accident: ट्रक- क्रूझर जीपचा भीषण अपघात; 7 प्रवासी जागीच ठार

बीड - भरधाव वेगात असलेल्या ट्रक व क्रूझर जीपची समोरासमोर धडक होऊन झालेल्या भीषण अपघातात, 7 प्रवासी जागीच ठार झाले आहेत. हा अपघात बीडच्या (Beed) अंबाजोगाई (Ambajogai) तालुक्यातील अंबाजोगाई - लातूर (Latur) महामार्गावरील सायगावच्या जवळ काही वेळापूर्वी झालाय. तर या अपघातात मृतांचा आकडा आणखी वाढण्याची भीती व्यक्त केली जात आहे.

हे देखील पाहा-

लातूर जिल्ह्यातील आर्वी येथून अंबाजोगाई तालुक्यातील राडी येथे एका घरगुती कार्यक्रमासाठी नातेवाईक जीपने जात होते. यावेळी सायगावजवळील खडी केंद्राजवळ समोरून भरधाव वेगात आलेल्या ट्रकने जोराची धडक दिली. यात 5 महिलांसह एक मुलगा व अन्य एक जण जागीच ठार झाल्याची प्राथमिक माहिती पोलीस सूत्रांनी दिली आहे. अपघाताची माहिती मिळताच पोलिसांनी घटनास्थळी धाव घेतली असून जखमींना अंबाजोगाई येथील रुग्णालयात दाखल केले आहे.

Edited By - Shivani Tichkule