Karanjali Ghat Traffic Update : करंजाळी घाटात दाेन्ही बाजूची वाहतुक ठप्प, पाच तासांपासून बंद पडलेला ट्रक हटविण्याची कार्यवाही सुरु

- अजय सोनवणे

Nashik :

नाशिक जिल्ह्यातील पेठ तालुक्यात करंजाळी घाटातील वाहतुक आज (साेमवार) पहाटेपासून ठप्प झाली आहे. या घाटात वाहनांच्या पाच किलोमीटरपर्यंत रांगा लागल्या आहेत. घाट जाम झाल्याने प्रवासी पाच तास घाटातच अडकून पडले आहेत. (Maharashtra News)

करंजाळी घाटात मोठा ट्रक बंद पडला आहे. यामुळे गुजरातकडे जाणारी व येणारी वाहतूक ठप्प झाली आहे. हा ट्रक पहाटे साडे पाचच्या सुमारास बंद पडल्याचे समजते. वळणावर ट्रक बंद पडल्याची माहिती समाेर येत आहे.

यामुळे घाटीतील दोन्ही बाजूला रस्त्यावर सुमारे पाच किलोमिटरपर्यंत वाहनांच्या रांगा लागल्या आहेत. तब्बल पाच तास झाले तरी ट्रक बाजूला करण्याचे काम प्रयत्न सुरु आहेत. आज धुळवड असल्याने सुटीचा दिवस आहे. यामुळे घाटात वाहनांची वर्दळ हाेती. त्यातच ट्रक बंद पडल्याने वाहतुक ठप्प झाली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar