Vegetables Price List Today: टोमॅटोसह महागलेल्या भाज्यांच्या दरात मोठी घसरण; सर्वसामान्यांना दिलासा

सिद्धेश म्हात्रे

Vegetables Price: नवी मुंबईतील एपीएमसी भाजीपाला मार्केटमध्ये (APMC Vegetable Market) भाज्यांचे दर काही प्रमाणात कमी झाल्याचे पहायला मिळतेय. चार दिवसांपूर्वीच शंभरी गाठलेले टोमॅटो, फरसबी, वाटाणा, मिरची यांचे दर आता 60 ते 80 रुपयांवर आलेत. (Latest Vegetables Price News)

तसेच इतरही सर्व भाज्यांचे दर 30 ते 40 टक्क्यांनी घसरलेत. मार्केटमध्ये भाजीपाल्याला उठाव नसून आवकही चांगली होत असल्याने आज दर काही प्रमाणात कमी झाल्याचे पहायला मिळतंय. मात्र हीच परिस्थिती उद्याही असेल याबाबत मात्र व्यापारी शंका व्यक्त करतायत.

आज एपीएमसीमधील भाज्यांचे दर प्रति किलो

वाटाणा - 70 ते 80

टोमॅटो - 70 ते 80

फ्लॉवर - 20 ते 22

कारली- 40 ते 45

कोबी - 8 ते 12

दुधी - 40 ते 44

वांगी - 32 ते 36

काकडी - 26 ते 28

भेंडी - 40 ते 50

फरसबी - 60 ते 70

गाजर - 20 ते 24

ढोबळी मिरची - 40 ते 44

तोंडली - 60 ते 65

घेवडा - 56 ते 60

पालेभाजी प्रति जुडी दर

मेथी - 20

शेपू - 20

कोथिंबीर - 20

पालक - 20

कांदापात - 10 ते 15

मुळा - 20

गेल्या काही दिवसांपासून पालेभाज्यांसह टोमॅटोच्या दरात मोठी वाढ झाली होती. भाज्यांचे दर वाढल्याने सर्वसामान्य नागरिकांच्या खिशाला मोठा फटका बसत होता. अशात आज नवी मुंबईतील एपीएमसी भाजीपाला मार्केटमध्ये भाज्यांच्या दरात बदल झाला असून दर काही प्रमाणात कमी झालेत. यामुळे सर्वसामान्यांना काही प्रमाणात दिलासा मिळालाय.