वाशिम, नांदेड, परभणी, यवतमाळातील पेट्रोल पंपावर चोरी; हिंगाेलीचे ३ अटकेत

वाशिम : पिस्तुलाचा धाक दाखवून पेट्रोल पंपावर लूट करणाऱ्या तिघांना मुद्देमालासह असेंगाव पोलिसांनी अटक केली आहे. या तिघांनी नांदेड (nanded) ,परभणी (parbhani), यवतमाळ (yavatmal) जिल्ह्यात पेट्रोल पंपावर चोरी (petrol theft) केल्याचं निष्पन्न झाले आहे. (washim latest marathi news)

वाशिम-मंगरूळपीर रस्त्यावरील बीटोडा येथील पेट्रोल पंपावर पिस्तुलाचा धाक दाखवून चोरी केल्याची घटना मार्च महिन्यात घडली होती. ही घटना सीसीटीव्ही कॅमेऱ्यात कैद झाली झाल्याने सीसीटीव्ही फुटेजच्या आधारे शोध घेत असेंगाव पोलिसांनी तिघांना अटक केली आहे.

प्रिन्स होलपदे, देवानंद धुधमोगरे, एकनाथ चव्हाण अशी अटक केलेल्यांची नावे असून हे तिन्ही संशयित आराेपी हिंगोली जिल्ह्यातील आहेत. दरम्यान असेंगाव पोलिसांना तपासात या तिघांनी नांदेड, परभणी, यवतमाळ जिल्ह्यात पेट्रोल पंपावर चोरी केल्याची माहिती मिळाली आहे.

Edited By : Siddharth Latkar