Mahableshwar : महाबळेश्वरात 'एसबीआय' चं एटीएम फाेडण्याचा प्रयत्न फसला; तिघे ताब्यात

Mahableshwar : सातारा जिल्ह्यात एटीएम फोडीच्या एकामागोमाग घडणाऱ्या घटनांनी एकच खळबळ उडाली आहे. या आधी कराड (karad) आणि नागठाणे येथील एटीएम मशीन जिलेटीनने उडवून चोरी करण्यात आली होती. त्यानंतर महाबळेश्वर (mahableshwar) येथील मुख्य बाजारपेठे लगत असणाऱ्या स्टेट बँकेचे एटीएम फोडण्याचा प्रयत्न झाला पण ताे फसला. दरम्यान या प्रकरणी पाेलिसांना तिघांना ताब्यात घेतलं आहे. त्यापैकी एक अल्पवयीन असल्याची माहिती पाेलिसांनी दिली. (Mahableshwar Latest Marathi News)

पाेलीसांनी दिलेल्या माहितीनूसार चोरट्याने एटीएममध्ये प्रवेश करून ते फाेडण्याचा प्रयत्न केला. मात्र हा प्रयत्न असफल झाल्याने संबंधित चोरटा त्या ठिकाणाहून फरार झाला. आम्ही एटीएम केंद्राची पाहणी केली. त्यानंतर सीसीटीव्ही कॅमेराच्या माध्यमातून तपास सुरु केला आहे. त्यात तिघे असल्याचे निष्पन्न झाले.

या प्रकरणी शहाबुद्दीन फैरन बागवान , अंकित कुमार शिवनरेश कुमार पाल तसेच एका अल्पवयीन मुलास अटक केल्याची माहिती पाेलिसांनी दिली. संबंधित युवक हे स्थानिक हाॅटेलात काम करणारे आहेत असेही पाेलिसांनी नमूद केले.

Edited By : Siddharth Latkar