Beed : बेलेश्वर मंदिराचा दरवाजा उघडताच पुजा-यास बसला धक्का

बीड : बीड (Beed) जिल्ह्यातील लाखो भाविकांचे श्रध्दास्थान असणाऱ्या बेलेश्वर मंदिरात (temple) चोरी (theft) झाली आहे. यावेळी पंचधातुच्या मुकुटसह चांदीची पिंडीवरील शेषनागाची मुर्तीवर चोरट्यांनी मारला डल्ला मारला आहे. यामुळे परिसरात एकच खळबळ उडाली आहे. (Beed Crime News)

बेलेश्वर संस्थानचे तुकाराम महाराज भारती नित्यनेमाने पुजेसाठी मंदिरात गेले असता गाभाऱ्याचे कुलुप तुटलेले व मंदिराचे दार सताड उघडे असल्याचे त्यांना दिसले. त्यामुळे त्यांना धक्का बसला. त्याठिकाणी निरीक्षण केल्यानंतर महादेवाच्या पिंडीवरील पंचधातुचा मुकुट व पिंडीवर मांडण्याची चांदीची शेषनागाची मुर्ती चोरीला गेल्याचे त्यांच्या लक्षात आले.

यापुर्वी याच मंदिरात दानपेट्यांची चोरी झाली हाेती. आता पुन्हा मंदिरात चाेरीचा प्रकार घडला आहे. यावेळी मात्र गाभाऱ्यात चोरी झाली आहे. गाभा-यातील चाेरीचा प्रकार हा पहिलाच आहे असे महंत महादेव भारती महाराज यांनी नमूद केले. दरम्यान याप्रकरणी बीडच्या नेकनूर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.

Edited By : Siddharth Latkar