दुर्दैवी : वीजजोडणी करताना अचानक विद्युत पुरवठा सुरू; 26 वर्षीय युवकाचा जागीच मृत्य़ू

परभणी : पाथरीच्या (Pathari) एकतानगर येथे वीज जोडणीचे काम करत असताना कंत्राटी कामावर असलेल्या मोहम्मद अखिल मोहम्मद रहमान अन्सारीचा वय 26 वर्ष याचा मृत्यू झाल्याची घटना काल रात्री घडली. वीजजोडणीचे काम करत असताना अचानक विद्युत पुरवठा सुरू झाल्याने विजेचा झटका लागून मोहम्मद अखिल मोहम्मद रहमान अन्सारीचा मृत्यू झाल्याची दुर्दैवी घटना घडली आहे.

रात्रभर मृतदेह रुग्णालयात ठेवल्यावर संतप्त नातेवाईकांनी मयत युवकाचा मृतदेह राष्ट्रीय महामार्ग (National Highways) क्रमांक 61 वर आणून ठेवला आहे. जोपर्यंत महावितरणच्या (MSEDCL) दोषी अधिकाऱ्यांवर गुन्हा दाखल केला जात नाही. तोपर्यंत मृतदेहवरती अंत्यसंस्कार केले जाणार नाहीत असा पावित्रा नातेवाईकानी घेतल्यानेनागरिकांनी महामार्गावर मोठ्या प्रमाणात गर्दी केल्याने सुमारे दोन तास महामार्गा ठप्प झाला होता.

Edited By - Jagdish Patil